Дастгир гардидани 3 узви равияи салафия дар Фархор

Фархор, 01.03.2016 (АМИТ «Ховар»).- Дар натиҷаи бурдани корҳои фаврӣ -ҷустуҷӯӣ кормандони мақомоти қудратӣ дар ноҳияи Фархори вилояти Хатлон 3 шаҳрванди ноҳия- Ғаффоров Сайидмуҳаммад Саидович, Ғаффоров Хушназар Саидович ва Ризоев Миралӣ Нуралиевичро охирҳои соли 2015 бо сабаби шомил будан ба равияи салафия дастгир намуданд.
Баъд аз боздошт бо ҳукми суд ба Ғаффоров Сайидмуҳаммад Саидович 6 сол ҳукм бо адо намудани ҷазо дар муассисаи ислоҳии дорои низоми пурзӯр таъйин шуда, бародараш Ғаффоров Хушназар Саидович ба муҳлати 5 солу 6 моҳ аз озодӣ маҳрум шуд.
Ҳамчунин шахси дигар Ризоев Миралӣ Нуралиевич, ки ба корҳои дорои хусусияти иртиҷоӣ ва тафриқаангезӣ даст задааст ва аз ӯ микдори зиёди адабиёти зиддимазҳабӣ дарёфт гардид, ба муҳлати 14 сол аз озодӣ маҳрум шуд.