Даври ниҳоии олимпиадаи ҷумҳуриявии фаннӣ доир хоҳад шуд

Душанбе, 30.03.2016. (АМИТ «Ховар»). Рўзҳои 2 ва 3 апрели соли равон дар Муассисаи таълимии давлатии «Мактаби байналмилалии президентӣ», воқеъ дар шаҳри Душанбе аз фанҳои табиӣ-риёзӣ (математика, физика, химия, биология, технологияи информатсионӣ, география) даври ниҳоии олимпиадаи ҷумҳуриявии фаннии муассисаҳои таҳсилоти миёнаи умумӣ доир мегардад.
Рўзҳои 9 ва 10 апрел аз фанҳои ҷамъиятӣ-гуманитарӣ (забони давлатӣ, забон ва адабиёти тоҷик, забон ва адабиёти рус, забони англисӣ, таърих, асосҳои давлат ва ҳуқуқ) даври ниҳоии олимпиадаи ҷумҳуриявии фаннии муассисаҳои таҳсилоти миёнаи умумӣ баргузор хоҳад гашт.
Хоҳишмандон метавонанд бо рақамҳои 223-18-28 маълумоти иловагӣ гиранд.