«Дона-дона марворид» рӯнамоӣ шуд

Душанбе, 28.03.2016 (АМИТ «Ховар»).-Шоми 26-уми март рӯнамоии китоби нависандаи тоҷики муқими Қирғизистон Шоираи Равшан «Дона-дона марворид» дар қаҳвахонаи «Шукрона» баргузор гардид. Нависанда аз иштирокдорони Ҳамоиши байналмилалии адибони ҳавзаи Наврӯз аст, ки дар чорабиниҳои наврӯзии шаҳру навоҳии мамлакат иштирок дошт.
Дар чорабинӣ нависандаи машҳури тоҷик Абдурофеъ Рабизод, нависандаи машҳури тоҷиктабори рус Тимур Зулфиқоров бо ҳамсараш Ирина Дмитрина, Сиёвуш Ҷунайдӣ, ки бо Шоистаи Равшан оз Қирғизистон омадааст ва чандин мухлисону ҳаводорони дигар иштирок намуданд.
Абдурофеъ Рабизод ҳангоми сухангӯӣ Шоистаи Равшан, Тимур Зулфиқоров ва дигар шоирону нависандагони тоҷикеро, ки берун аз Тоҷикистон фаъолияти эҷодӣ доранд, «сафирони фарҳангии Тоҷикистон дар ҷаҳон» номид.
Ирина Дмитрина бо хондани сурудҳои тоҷикӣ ва русӣ табъи ҳозиринро болида гардонид.