Эълони озмун барои роҳбаладони мавсими «Ҳаҷ-2016”

Душанбе, 05.03.2016. (АМИТ «Ховар»). — Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон ҷиҳати интихоби роҳбаладони мавсими «Ҳаҷ-2016” озмун эълон менамояд.
Огоҳии комил доштан аз маносики ҳаҷ, доштани малакаи хуби ташкилотчигиву муошират бо ҳоҷиён, ҷисман обутобёфта ва дар шароити душвор кор кардан, донистани забони арабӣ ё англисӣ дар сатҳи муошират аз шартҳои асосии озмун аст.
Дар озмуни роҳбаладони мавсими «Ҳаҷ-2016” нафарони синнашон то 60- сола иштирок карда метавонанд.
Барои иштирок дар озмун бояд ариза ба номи Раиси Кумита, нусхаи шиноснома, маълумотнома аз ҷои истиқомат, маълумотномаи тиббӣ (шакли 086), 2 адад расми 3х4 ва варақаи шахсӣ пешниҳод гардад.
Хоҳишмандон метавонанд ҳуҷҷатҳои худро то санаи 28-уми марти соли 2016 ба Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон пешниҳод намоянд.
Суроға: шаҳри Душанбе, кўчаи Лоҳутӣ 14. Тел: 223.12.58