Хуҷанд: мусобиқаи варзишӣ бахшида ба Рӯзи Модар

Хуҷанд, 09.03.2016. (АМИТ Ховар).- Бахшида ба Рӯзи Модар дар шаҳри Хуҷанд силсилаи чорабиниҳои мухталиф доир гардид.
Тавре ки ба АМИТ Ховар масъулин аз маркази иттилоотии бахши вилоятии ҲХДТ дар Суғд хабар доданд, дар доираи чорабиниҳои аёдатӣ ва фарҳангиву фароғатӣ дирӯз мутобиқ ба нақшаи чорабиниҳои шуъбаҳои кор бо занон ва ҷавонони кумитаи мазкур мусобиқаи варзишӣ байни ҷавондухтарони коллеҷҳои омӯзгорӣ ва тиббии шаҳри Хуҷанд аз рӯи намуди волейбол доир гардид.
Ҳадаф аз ташкили мусобиқаи мазкур-пеш аз ҳама, тадбиқи сиёсати гендерӣ ва баланд бардоштани ташаккули тарзи ҳаёти солим, ҳарчи бештар ҷалб намудани ҷавонон ба варзиш ва рушди тарбияи ҷисмонӣ байни ҷавондухтарон мебошад.
Мусобиқа дар сатҳи хуби ташкилӣ баргузор гардида, дар интиҳо дастаҳои иштирокдор бо медалу ифтихорномаҳои кумитаи мазкур қадршиносӣ шуданд.