Идораи замин ва геодезии Рашт соҳибкоронро дастгирӣ мекунад

Рашт, 02.03.2016 (АМИТ «Ховар»).- Барои таъсис додани ҷойҳои нави корӣ ва дастгирии соҳибкорон идораи замин ва геодезии ноҳияи Рашт барои сохтмони ду кӯдакистон 0,80 га ва аз ҳисоби заминҳои ғайрикишоварзӣ ба 18 соҳибкор барои сохтмони иншооти гуногун 4 га замин ҷудо намуд. Ҳамчунин ба зарардидагони офати табиии деҳаи Шул ва ниёзмандони ноҳия ба андозаи 6,87 га қитъаи замин ҷудо гардид, ки тақсимоти он аз тариқи қуръапартоӣ амалӣ мешавад.
Ноҳияи Рашт аз ноҳияҳои кӯҳистони ҷумҳурӣ ба ҳисоб рафта, масоҳати умумии замин дар марзи маъмурии ноҳия 461 ҳазору 260 гектарро ташкил медиҳад. Соҳаи асосии хоҷагии халқи ноҳия кишоварзӣ мебошад. Мардум асосан ба боғдорӣ, зироаткорӣ, картошкапарварӣ ва чорводорӣ машғул мебошанд.