Кӯлоб: Омўзиши муштарак барои пизишкони кумакҳои фаврӣ дар ҳолати ҷароҳатҳои васеъ
Душанбе, 28.03.2016. (АМИТ «Ховар»). Кумитаи байналмилалии Салиби Сурх (КБСС) дар ҳамкорӣ бо Вазорати тандурустӣ ва ҳифзи иҷтимоии аҳолии Тоҷикистон давраи омўзишии муштаракро барои пизишкони кумакҳои фаврӣ дар ҳолати ҷароҳати васеъ аз 30 март то 1 апрел дар шаҳри Кӯлоб мегузаронад.
Ба омӯзиш 20 пизишки бахши фаврият аз вазоратҳо ва шуъбаҳо ҷалб мешаванд. Бино ба гуфтаи намояндаи бахши беҳдошт ва дармони КБСС Николоз Садрадзе, омўзиш дар асоси усулҳои эътирофшудаи байналмилалӣ оид ба ташхис ва табобати фаврии одамон дар натиҷаи захмҳои вазнин дар давраи низомӣ ва шаҳрвандӣ гузаронида мешавад.
Омӯзандагони сатҳи ҷаҳонӣ аз КБСС, ки оид ба кумакҳои аввалия тахассус доранд, дар бораи меъёр, равишҳои ташхис ва дармон барои беморон машғулият доир мекунанд. Ҳадаф аз ин омӯзиш коҳиши марг бар асари як осеби умда аст. То имрӯз 94 табиби ҷумҳурӣ қобилияти худро оид ба кумакҳои фаврӣ дар ҳолати ҷароҳатҳои васеъ ба воситаи омўзишҳо аз ҷониби КБСС такмил додаанд.
Бояд гуфт, ки омӯзиш бо мусоидати созмони фаъоли Вазорати тандурустӣ ва ҳифзи иҷтимоии аҳолӣ имконпазир гардид.
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
Имрӯз дар баъзе ноҳияҳои кӯҳии Тоҷикистон бориши борону барф пешгӯӣ мешавад
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
