Камол Насрулло: «Уммеди ман, муҳаббати ман дар Ватан шукуфт»
Душанбе, 09.03.2016. (АМИТ «Ховар»). — «Тоҷикистон, Истиқлолият, Наврӯз ва Модар мафҳумҳое ҳастанд, ки бояд бо дили поку муҳаббати самимона ва лаҳни ширину меҳри беандоза ба забон оварда шаванд, чунки ин мафҳумҳо рамзи давлатдорӣ, озодӣ, фарҳангофаринӣ ва садоқат ба мавҷудоти офаранда-Модар аст», ин нуктаро имрӯз Шоири халқии Тоҷикистон Камол Насрулло зимни шаби эҷодии хеш дар Филармонияи давлатии Тоҷикистон ба номи Акашариф Ҷӯраев изҳор дошт.
Ӯ дар ин базми шеъру суруд шеърҳои тозаэҷод ва офаридаҳои даврони ҷавониашро дар васфи Модар, Ватан, ишқу муҳаббат ва амсоли инҳо қироат намуда, хотири ҳаводорони шеърро болида сохт.
Бахусус, шеъри «Гуфтам Ватан» аз ҷониби муаллиф ва шеъри «Модар» аз забони донишҷӯдухар қироат ва бо садои Афзалшо Шодиев дар ин базми ширу шакар пешкаш шуд, ки аз ҷониби иштирокдорон ба завқ ва муҳаббати хоса қабул гардид.
Гуфтам Ватан, чаман-чаман ин анҷуман шукуфт,
Гуфтам Ватан, чу гул ба лабонам сухан шукуфт.
Гуфтам Ватан, Ватан, ҳама дашту даман шукуфт,
Уммеди ман, муҳаббати ман дар Ватан шукуфт.
Дар шаби эҷодии Камол Насруллло, ки толори Филармония пур аз ҳаводорони шеъри ноби устод буд, инчунин ҳунармандону устодони санъати тоҷик-Афзалшо Шодиев, Хосияти Зарафшонӣ, Файзалӣ Ҳасанов, Алишер Қаноатов, Абдумаҷид Бердиев, ансамбли эстрадии «Гулшан» ва дигарон аз ашъори шоир шеъру таронаҳо суруданд.
Маврид ба зикр аст, ки шаби эҷодии Камол Насрулло дар доираи чорабиниҳо ба истиқболи Наврӯзи Аҷам ва Ҳамоиши байналмилалии кишварҳои ҳавзаи Наврӯз сурат гирифт.
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
