Маъмурияти дипломатии Сафири Ҷумҳурии Корея дар Тоҷикистон ба анҷом расид
Душанбе, 09.03.2016 (АМИТ «Ховар»).- 7 марти cоли 2016 муовини якуми вазири корҳои хориҷии Ҷумҳурии Тоҷикистон Н. Зоҳидӣ Сафири Фавқулода ва Мухтори Ҷумҳурии Корея дар Ҷумҳурии Тоҷикистон (бо иқомат дар шаҳри Тошканд) Ли Ук Хёнро ба муносибати ба анҷом расидани маъмурияти дипломатияш дар Тоҷикистон ба ҳузур пазируфт.
Дар ҷараёни суҳбат перомуни ҳолат ва дурнамои рушди муносибатҳои Тоҷикистон ва Корея дар арсаҳои тиҷорат, иқтисод, энергетика, фарҳанг, маориф ва инчунин тавсеаи ҳамкории байни ниҳодҳои мухталиф ва доираҳои соҳибкорони ду кишвар табодули назар сурат гирифт.
Масъалаҳои ҳамкории минбаъдаи ду кишвар дар ҳошияи СММ ва дигар созмонҳои бисёрҷониба баррасӣ шуданд.
Дипломати тоҷик ба Сафири Ҷумҳурии Корея барои саҳмаш дар рушди муносибатҳои дуҷониба изҳори ташаккур намуда, ба ӯ дар фаъолияти минбаъдааш муваффақиятҳо орзу намуд.
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
