Мавқеъ ва манзалати зан дар ҷомеа
Душанбе, 9.03.2016. (АМИТ «Ховар»).-Дар Донишкадаи молия ва иқтисоди Тоҷикистон ба муносибати Рӯзи модар маҷлиси тантанавӣ доир гардид.
Ректори донишкада Ашурбой Солеҳзода модарону бонувонро ба муносибати Рӯзи модар табрик намуда, иброз дошт, ки дар рӯзҳои нахустини фасли баҳори нозанин таҷлил гаштани Рӯзи модар фоли нек буда, модар ва баҳор муродифи ҳамдигар ва сабаби сарсабзии зиндагии ҳар яки мост. Ашурбой Солеҳзода афзуд, ки дар донишкада 80 омӯзгор аз ҳисоби занҳо фаъолият мебаранд, ки аз инҳо 4 нафарашон доктори илм ва 14 нафар номзади илм мебошанд. Шумораи умумии донишҷӯдухтарон беш аз 1 ҳазору 300 нафар буда, 40 нафар тибқи квотаи президентӣ таҳсил менамоянд.
Дар ҷамъомад дар мавзӯи «Мавқеъ ва манзалати зан дар ҷомеа» маърӯза шунида шуд. Аз номи Кумитаи иҷроияи ҲХДТ дар ноҳияи Сино ва Раёсати донишкада ба устодону кормандон — бонувони фаъол ифтихорномаҳо супорида шуданд.
Ҳамчунин озмуни «Қироати шеър», ки ба муносибати Рӯзи модар доир шуд, ҷамъбаст гардида, ғолибон муайян ва ба онҳо дипломҳо супорида шуданд.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
