Муаррифии лоиҳаи «Рушди таҳсилоти олӣ» дар Донишкадаи политехникии Хуҷанд
Душанбе, 11.03.2016 (АМИТ «Ховар»).- Бо ташаббуси Ҳукумати Ҷумҳурии Тоҷикистон 7 августи соли 2015 аз тарафи Бонки ҷаҳонӣ барои рушди сифати таълим дар мактабҳои олии кишвар 15 миллион доллар ҷудо гардид, ки он тайи 6 сол аз ҷониби Вазорати маориф ва илми Ҷумҳурии Тоҷикистон мавриди амал татбиқ мешавад.
Дар ҳамин замина ба хотири муаррифии лоиҳаи «Рушди таҳсилоти олӣ» муовини вазири маориф ва илми Ҷумҳурии Тоҷикистон Бозоралӣ Одиназода, намояндаи Бонки ҷаҳонӣ Ҷейсон Вивер, роҳбари барнома дар соҳаи маориф Саодат Бозорова ва роҳбарони муассисаҳои олии вилоят дар Донишкадаи политехникии Донишгоҳи техникии Тоҷикистон ба номи академик М.С. Осимӣ дар шаҳри Хуҷанд ҷамъ омаданд.
Зимни муаррифии лоиҳаи мазкур Бозоралӣ Одиназода гуфт, ки бештарини ин маблағҳо барои амалишавии лоиҳаҳои рушди сифати таълим дар мактабҳои олӣ равона мегардад.
Ҳамчунин Маҳмудхон Шоев, муовини сардори раёсати таҳсилоти олии Вазорати маориф ва илми Ҷумҳурии Тоҷикистон иброз дошт, ки аз ҷамъи умумии маблағи мазкур 8,25 миллион доллар ҳамчун кредит ва 6,75 миллион доллар чун грант дода мешавад.
Имрӯз дар ноҳияҳои алоҳидаи кӯҳии Тоҷикистон борон меборад
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
