Мулоқот бо намояндагони Вазорати бехатарии ҷамъиятии Чин
Душанбе, 18.03.2016. (АМИТ «Ховар»).- 17 марти соли равон муовини вазири корҳои дохилӣ Абдулло Навҷувонов бо ҳайати намояндагони Вазорати бехатарии ҷамъиятии Ҷумҳурии Мардумии Чин таҳти роҳбарии муовини сардори Раёсати ҳамкории байналмилалии Вазорати бехатарии ҷамъиятии Ҷумҳурии Мардумии Чин Сюй Найган вохӯрӣ баргузор намуд.
Тавре ки аз Вазорати корҳои дохилии ҷумҳурӣ хабар доданд, Абдулло Навҷувонов меҳмононро хайрамақдам гуфта, зикр намуд, ки ҳамкорӣ миёни Вазорати корҳои дохилии Тоҷикистон ва Вазорати бехатарии ҷамъиятии Ҷумҳурии Мардумии Чин дар самти мубориза бо ҷинояткорӣ, экстремизм, терроризми байналмилалӣ, муқобилият ба таҳдид ва хатарҳои минтақавӣ тақвият меёбанд. Ҷониби Тоҷикистон омодааст дар ин самтҳо минбаъд низ ҳамкориро идома диҳад.
Дар вохӯрӣ ҷонибҳо масъалаҳои сохтмони Маркази муштараки зидди террористии Вазорати корҳои дохилии Ҷумҳурии Тоҷикистон ва Вазорати бехатарии ҷамъиятии Ҷумҳурии Мардумии Чин дар шаҳри Душанбе, омоданамоии кадрҳо ва дигар масъалаҳои мавриди таваҷҷуҳро баррасӣ намуданд.
Муовини сардори Раёсати ҳамкории байналмилалии Вазорати бехатарии ҷамъиятии Ҷумҳурии Мардумии Чин Сюй Найган барои пазироии самимӣ изҳори миннатдорӣ намуда, иброз дошт, ки дар мубориза бо ҷинояту ҷинояткорӣ, терроризм, экстремизм, сепаратизм, гардиши ғайриқонунии маводи мухаддир ва ҷиноятҳои фаромиллӣ Вазорати корҳои дохилии Ҷумҳурии Тоҷикистон шарики боэътимод ба ҳисоб рафта, дар ин самтҳо чандин созишномаҳои байниҳукуматию байниидоравӣ ва дигар ҳуҷҷатҳои лозимӣ ба имзо расонида шудаанд.
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
Имрӯз дар баъзе ноҳияҳои Тоҷикистон туман мефарояд
Конститутсияи Ҷумҳурии Тоҷикистон санади муҳиму сарнавиштсоз барои миллати тоҷик аст
Конститутсия самтҳои асосии сиёсати хориҷии Тоҷикистонро муқаррар кардааст
Дар шаҳри Бохтар ба муносибати 32-солагии қабули Конститутсия ҳамоиш доир гардид
Дар ҷамоатҳои деҳоти Ясману Ҳоити ноҳияи Рашт ба ифтихори Рӯзи Конститутсия ҳамоиши идона доир гардид
Рӯзи Конститутсияи Ҷумҳурии Тоҷикистонро дар Хуҷанд бошукуҳ таҷлил намуданд
Ҳайати Тоҷикистон дар Форуми байналмилалии Арбитраж дар Чин иштирок намуд
«КОНСТИТУТСИЯ–САРОҒОЗИ НИЗОМИ ДАВЛАТДОРИИ МИЛЛӢ». Таҳти чунин унвон ҳамоиши ҷумҳуриявӣ доир шуд
Дар Донишгоҳи технологии Тоҷикистон бахшида ба Рӯзи Конститутсия конференсияи илмӣ–адабӣ гузаронида шуд
