Мурғоб: «Ҷавонон ҳаёти солимро интихоб менамоянд»-мусобиқа

Душанбе, 28.03.2016. (АМИТ «Ховар»). — Барои дар амал татбиқ намудани нақшаи чорабиниҳои асосии «Стратегияи миллии мубориза бар зидди гардиши ғайриқонунии маводи нашъаовар дар Ҷумҳурии Тоҷикистон барои солҳои 2013-2020» ва нақшаи чорабиниҳои асосии АНМН назди Президенти ҶТ барои нимсолаи якуми соли 2016 бо ташаббуси кормандони шуъбаи Раёсати Агентии назорати маводи нашъаовар дар ноҳияи Мурғоби ВМКБ 25-уми марти соли 2016 дар майдончаи варзишии Шуъбаи РАНМН-и ноҳияи Мурғоб мусобиқаи варзишӣ аз намуди волейбол баргузор гардид, ки дар он зиёда аз 100 нафар дӯстдорони ин намуди варзиш иштирок намуданд. Мусобиқаи варзишӣ таҳти шиори «Нест бод нашъамандӣ» дар байни ҷавонони ноҳия баргузор гардида, дар хотима ба ғолибони он аз тарафи сардори шуъбаи РАНМН дар ноҳияи Мурғоб туҳфаҳои хотиравӣ тақдим шуданд.
Аз тарафи кормандони шуъбаи мазкур дар оянда низ чунин чорабиниҳои варзишӣ ва фарҳангию фароғатӣ таҳти шиори «Ҷавонон ҳаёти солимро интихоб менамоянд» гузаронида мешаванд.
Ҳамзамон дар моҳҳои феврал ва марти соли равон дар як зумра мактабҳои ноҳияи Мурғоб аз тарафи кормандони шуъбаи РАНМН дар ноҳияи Мурғоби ВМКБ чорабиниҳо доир ба мавзӯи нашъамандию нашъаҷаллобӣ ва терроризму экстремизм гузаронида шуданд.