«Наврӯзи маориф» дар «Боғи пойтахт»-и Душанбе

душанбе, 22.03.2016. (АМИТ «Ховар»). — Тайи чанд рӯз аст, ки мардум дар фазои тантанавори кишвар Наврӯзи оламафрӯзро ҷашн гирифта истодаанд. Имрӯз низ бо ташабусси Раёсати маорифи Мақомоти иҷроияи маҳаллии ҳокимияти давлатӣ дар шаҳри Душанбе аҳли маорифчиён дар «Боғи пойтахт» ҷамъ омада, дастовардҳои толибилмонро пешниҳоди ҳозирин намуданд. Инчунин ҳунарҳои дастии худро аз қабили гӯлдӯзи, зардӯзӣ, кандакорӣ, дастархонҳои идона ороста, дар он тамоми хӯрокҳои миллати тоҷикро ба мараз гузоштанд.
Омӯзгори муассисаи таҳсилоти миёнаи умумии №49 Олуфта Назарова, ки яке аз иштирокчии чорабинӣ буд, чунин гуфт; «Дар ин рӯзи фархунда ба мардум таъомҳои миллӣ, хусусан таъому хуришҳои баҳориро пешниҳод намудем, ки маҳсули дасти ҷавондухтарони муассиса аст. Тамоми ин маҳсулотҳоро аз сабзавотҳои худрӯйи Тоҷикистон омода намудаем, масалан аз пӯдина, шулха, қоқу ва ғайра. Ҳар нафаре, ки аз хӯрокҳо истеъмол мекунад, албатта бедард мешавад, зеро онҳо аз сабзавотҳо тайёр карда шудааст, ки аксари онҳоро дорӯ мегӯем. Мо омӯзгорон ҷонибдори суннатҳои миллии қадима ватанамон Тоҷикистон буда, ваъда медиҳем, ки фарзандони ин сарзаминро ба рӯҳияи ватандӯстӣ, худшиносӣ, меҳнатдӯстӣ тарбия менамоем»,-гуфт Олуфта Назарова.
Мавриди зикр аст, ки дар «Боғи пойтахт»-и шаҳри Душанбе сокинон аз ҳар гӯшаи Тоҷикистон дар ин фазои идона ҷамъ омада аз хурд то бузург хушҳолӣ мекарданду мерақсиданд. Ҳар нафар бо рӯҳияи болида ин ҷашни аҷдодиро таҷлил менамуд.