Оғози иқдомҳои хайравӣ дар арафаи ҷашни Наврӯзи байналмилалӣ

Душанбе, 01.03.2016 (АМИТ «Ховар»).- Дар ноҳияи Ҷалолиддини Румӣ дар арафаи ҷашни Наврӯзи байналмилалӣ расонидани кумакҳои моддӣ ба қисмҳои низомӣ, ятимону бепарасторон ва баргузории иқдомҳои хайриявӣ ба кӯдакону оилаҳои камбизоат оғоз гардид. Аз ҷониби Раҳматулло Саъдулоев, вакили Маҷлиси вакилони халқи ноҳия аз ҲХДТ ба маблағи 600 сомонӣ, А.Эсанқулов, вакили Маҷлиси вакилони халқи ноҳия ба маблағи 300 сомонӣ ва аз ҷониби раиси ҶДММ Ориё-Колхозобод ба маблағи 300 сомонӣ маводи хӯрокворӣ ба тарбиятгирандагони мактаб-интернати ҷумҳуриявии ба номи Қаҳҳорови ноҳия расонида шуд.