Оғози наслгирӣ аз чорвои майда

Душанбе, 19.03.2016 (АМИТ «Ховар»). — Тибқи маълумоти раёсати чорводорӣ, парандапарварӣ, моҳипарварӣ ва занбӯрпарварии Вазорати кишоварзӣ,  имсол дурнамои наслгирӣ аз чорвои майда 316 ҳазору 221 сарро ташкил медиҳад. То аввали моҳи март дар корхонаҳои соҳаи кишоварзӣ ва хоҷагиҳои деҳқонии ҷумҳурӣ 131 ҳазору 680 сар насл гирифта шудааст, ки баробари 41, 6 фоизи дурнамо буда, нисбат ба ҳамин давраи соли гузашта 5063 сар зиёд мебошад. Инчунин ба 100 сар чорвои майда 39 сар рост меояд, ки нисбат ба ҳамин давраи соли гузашта 2 сарӣ зиёд аст.

Ҳоло чорводорони вилояти Хатлон 101085 сар (63, 7%), вилояти Суғд 14222 сар (17,9 фоиз), ВМКБ 863 сар (9,9 фоиз) ва ноҳияҳои тобеи марказ 15510 сар, (22,4 фоиз) аз чорвои майда насл гирифтаанд.

Наслгирии чорво дар корхонаҳои кишоварзӣ ва хоҷагиҳои деҳқонӣ идома дорад.