«Qatar Airways» шаҳрвандони Тоҷикистонро ба кор даъват мекунад
Душанбе, 25.03.2016. (АМИТ «Ховар»). — Дар даҳаи дуввуми моҳи апрели соли 2016 ҳайати ширкати «Qatar Airways» (бахши хадамоти заминӣ) барои ҷалби неруи корӣ ба Ҷумҳурии Тоҷикистон сафар хоҳад кард.
Интихоби неруи корӣ тавассути озмун сурат мегирад, ки он се марҳиларо фарогир хоҳад буд: марҳилаи аввал – тариқи системаи онлайн ва баъди гузаштани он марҳилаи дуввум – тариқи суҳбати мустақим дар Душанбе (моҳи апрел) ва марҳилаи сеюм ва ё таҷрибавӣ дар Қатар (моҳи май) сурат мегирад.
Хароҷоти марҳилаи сеюмро ширкати «Qatar Airways» пурра бар дӯш мегирад.
Барои иштирок дар озмуни мазкур довталабон бояд тавассути линк дар нишонии махсус, ки барои шаҳрвандони Тоҷикистон тахсис шудааст, ба қайд гирифта шаванд:
http://careers.qatarairways.com/qatarairways/VacancyDetail.aspx?VacancyID=107826
Линки мазкур то 3 апрели соли 2016 фаъол хоҳад буд.
Шароити кор, иқомат ва музди меҳнат дар ин ширкат ба тамоми меъёрҳои ширкатҳои байналмилалӣ мутобиқ аст.
Маврид ба ёдоварист, ки ҳайати ширкати мазкур барои баргузидани кормандони бахши меҳмондории ҳавопаймо (crew attendant) дар ибтидои моҳи декабри соли 2015 ба Тоҷикистон омада буд. Он замон аз 96 нафар довталаби дар озмун иштироккарда, танҳо 1 нафар комилан ва 4 нафари дигар ҷузъан ба талаботи забониву касбӣ мутобиқат дониста шуданд.
Тазаккур додан ба маврид аст, ки дар ин озмун тамоми шаҳрвандони Ҷумҳурии Тоҷикистон, ки синнашон аз 18 болост ва забони англисиро медонанд, метавонанд озодона иштирок намоянд.
«Qatar Airways»-ширкати миллии ҳавоии Давлати Қатар буда, дафтари кории асосии он дар пойтахти ин кишвар-Давҳа аст. Ҳоло ин ширкат дар 44 хатсайри байналмилалӣ фаъолият мекунад.
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Сафари кории Президенти Ҷумҳурии Тоҷикистон Эмомалӣ Раҳмон ба Ҷумҳурии Қирғизистон ба анҷом расид
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
