Роҳ ба мавзеи Чилдухтарон осон гардид

Душанбе, 29.03.2016. (АМИТ «Ховар»).–Чанде пеш пули мошингузар аз ҷониби соҳибкори маҳаллӣ бунёдкардаи дарёи Сурхаки самти мавзеи Чилдухтарони ноҳияи Муъминобод, ки он 130 метр дарозию 3 метр паҳно ва 20 тонна иқтидори вазнбардорӣ дорад, мавриди истифодабарӣ қарор гирифт. Дар баробари ин, инчунин роҳи ноҳамвори мавзеи мазкур бо маблағгузории ин соҳибкор, ки масофаи 18 километрро ташкил мекунад, ба андозаи 6-7 ва дар баъзе ҷойҳои он то 11-12 метр тахту ҳамвор ва сангфарш карда шуд.
Ба хотири минбаъд аз барфу борон осеб надидани роҳ дар 5 нуқтаи мушкили он иншооти обпарто бунёд гардида, дар ду паҳлӯи он бо қувваи ҳашарчиён, ба хусус аҳли ҷамоатчигии ноҳия беш аз 600 бех ниҳоли мухталиф шинониданд.