Шоҳроҳи Помир дар рӯйхати 10 шоҳроҳи зеботарини ҷаҳон

Март 1, 2016 18:12

Душанбе, 01.03.2016 (АМИТ «Ховар»).-Саёҳат бо мошин ва мототсиклҳо ба яке аз шаклҳои маъмултарини истироҳат табдил ёфта истодааст. Маҷаллаи илмӣ-маъмулии ҷуғрофии National Geographic рӯйхати 10 шоҳроҳи зеботарини ҷаҳонро омода намуд.
Шоҳроҳи Помир яке аз чунин шоҳроҳҳо мебошад. Он баландтарин роҳ дар қаламрави собиқ Иттиҳоди Шуравӣ аст. Қариб ки тамоми роҳи мошингард аз теғаи кӯҳҳои Помир ва се ағбаи асосӣ : Талдиқ(3615м ), Қизил-Арт (4280м) ва ағбаи аз ҳама наздик ба «Боми ҷаҳон» ағбаи Оқ байтал (4655) мегузарад. Қисми шарқии шоҳроҳ аз шаҳри Ӯши Қирғизистон то шаҳри Хоруғи Тоҷикистон дар солҳои 1931-1934, вақте ки Иттиҳоди Шуравӣ фаъолона қаламрави Помирро меомӯхт, сохта шуда буд. Вай аз доманакӯҳҳои сабз, ки он ҷо аспҳо мечаранд, бошишгоҳҳо ҳастанд, инчунин аз назди Боғи миллии Помир, ки аз он ҷо қуллаи Ленин (7134) намоён аст, мегузарад.
Яке аз шавқовартарин истгоҳ дар ин роҳ бузургтарин кӯли Тоҷикистон Қаракӯл мебошад, ки дар баландии 3914 метр аз сатҳи баҳр ҷойгир аст. Аз ин ҷо ба шохаҳои Помири бузург баландиҳо оғоз мешаванд. То фуромадан ба водӣ аз тарафи Тоҷикистон чунин манзараҳои миррихӣ — сангҳо, дараҳо, нақбҳо, ҷойҳои берастанӣ, деҳаҳои аҷиб ва рамаи гӯсфандон ба назар менамоянд. Дар ин муддат ҳамсафари шумо мошинҳои боркаш, харҳо ва ҷипҳо хоҳанд буд.
Баъди гузаштан аз шоҳроҳ метавонед аз чанд ҷойи дигари шавқовар, ба мисли деҳоти аҳолинишин, ағбаи «Алвидоъ ҷавонӣ», қалъаи Зардушти Ёмч, гармчашмаи Бибӣ Фотима ва бисёр чизҳои дигар дидан намоед.
Ҳамчунин ба рӯйхати 10 шоҳроҳи зеботарини ҷаҳон инҳо дохил шуданд: дараи Вердон (Фаронса), Далтон-Хайвей (ИМА), роҳи сангфаршшудаи Трансфэгэраш (Руминия), ағбаи Чуйс( Русия), роҳи Атлантика (Норвегия), роҳи дарвозаҳои калон (Чин), роҳи 40 (Аргентина), доираи калон (ИМА) ва Шоҳроҳи бузурги уқёнусӣ (Австралия).

Март 1, 2016 18:12

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад