Қӯшунҳои сарҳадӣ: Пешгирии интиқоли қочоқи маводи мухаддир ва задухӯрд дар сарҳади Тоҷикистону Афғонистон
Душанбе, 07.03.2016. (АМИТ «Ховар»). — 29 феврали соли равон тақрибан соати 18:40 дар минтақаи яке аз дидбонгоҳи сарҳадии Отряди сарҳадии «Хоруғ» дар вақти пешбурди хизмати наряди сарҳадӣ, убури ғайриқонунии сарҳад аз ҷониби як нафар шаҳрванди Ҷумҳурии Исломии Афғонистон мушоҳида гардид. Дар ин бора маркази матбуоти Қӯшунҳои сарҳадии КДАМ ҶТ хабар медиҳад.
Дар вақти таъқиб намудани вайронкунандаи сарҳади давлатӣ, қочоқчии афғон ба тарафи ҶИА фирор менамояд. Ҳангоми аз назар гузаронии ҷои ҳодиса 25 кг 600 гр маводи нашъаовари ҳашиш дарёфт ва мусодира карда шуд.
Инчунин шаби 2 ба 3 марти соли равон тахминан соатҳои 22:40 дақиқаи шаб дар минтақаи Отряди сарҳадии «Хоруғ» дар якҷоягӣ бо Раёсати КДАМ ҶТ дар ВМКБ минтақаи Рӯшон, амалиёти муштарак гузаронида шуд.
Гурӯҳи мусаллаҳи қочоқчиёни афғон дар вақти убури ғайриқонунии хати сарҳад бо сарҳадбонони тоҷик рӯ ба рӯ шуданд. Ба амри сарҳадбонони тоҷик, қочоқчиён итоат накарданд, ки дар натиҷа байни онҳо задухӯрди мусаллаҳона ба вуқӯъ омад.
Ба муқовимати сарҳадбонони тоҷик, қочоқчиён тоб оварда натавониста дар натиҷа онҳо ақибнишинӣ намуда ба тарафи Афғонистон фирор карданд.
Ҳангоми азназаргузаронии ҷои ҳодиса як ҷасади қочоқбари афғон тахминан 35-40 сола бо 4 кг маводи мухаддири Ҳашиш, 1 адад тапончаи тамғаи SMP 9 мм бо тирҳояш, 1 адад камераи шиноварӣ, дарёфт ва мусодира карда шуд.
5 марти соли равон тақрибан соати 11:30 дар минтақаи яке аз дидбонгоҳи сарҳадии Отряди сарҳадии «Шурообод» аз тарафи наряди сарҳадӣ, интиқоли маводи мухаддир пешгирӣ карда шуд.
Дар вақти убури ғайриқонунии хати сарҳад як нафар шаҳрванди ҶИА бо сарҳадбонони тоҷик рӯ ба рӯ мешавад, дар вақти кӯшиши дастгир кардан, қочоқчии афғон ба тарафи ҶИА фирор кард. Ҳангоми аз назар гузаронии ҷои ҳодиса зиёда аз 34 кг маводи алафии бангдона ва тақрибан 3 кг маводи нашъаовари чарс дарёфт ва мусодира карда шуд.
Айни замон аз тарафи мақомотҳои дахлдори КДАМ ҶТ оид ба ҳодисаҳои мазкур тафтишот ва корҳои фаврӣ идома доранд.
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
