Симпозиуми 2-юми Интернет дар Осиёи Марказӣ баргузор шуд
Душанбе, 02.03.2016 (АМИТ «Ховар»).- Имрӯз, 2-юми март дар меҳмонхонаи Шератон бо ташаббуси Фонди ҷамъиятии «Интернет» ва ISOC Симпозиуми 2-юми Интернет дар Осиёи Марказӣ: Чашмандозҳо барои рушди интернет дар Тоҷикистон ба кори худ шуруъ намуд.
Ба иттилои Рустам Қосимов, директори Фонди ҷамъиятии Интернет, ҳадаф аз баргузор намудани чорабинии мазкур баррасӣ намудани имкониятҳои Тоҷикистон аз рушди инфрасохтори дастрасӣ ба Интернет, аз ҷумла ташаккул ва рушди нуқтаҳои мубодилаи ҷараёни Интернет дар дохили кишвар мебошад.
Бояд зикр намуд, ки дар симпозиум намояндагон аз Дастгоҳи иҷроияи Президенти Ҷумҳурии Тоҷикистон, UNESCAP, Институти миллии омӯзишҳои стратегӣ, Бонки ҷаҳонӣ, Хадамоти алоқаи назди Ҳукумати Ҷумҳурии Тоҷикистон, ширкати Тселл, Ассотсиатсияи миллии соҳибкории хурд ва миёна, PIR Center ва дигарон иштирок доранд.
Ёдовар мешавем, ки Симпозиуми 2-юми Интернет дар Осиёи Марказӣ то охири рӯз идома меёбад.
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Имрӯз дар Тоҷикистон ҳавои бебориш дар назар аст
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
