Таҷлили ҷашни Наврўз дар ноҳияи Рўдакӣ
Душанбе, 22.03.2016 (АМИТ «Ховар»).- Ба ифтихори Ҷашни Наврӯзи байналмилалӣ ва истиқболи бо шукӯҳи он, маркази ноҳия Рӯдакӣ қабои идона ба бар кардааст. Кӯчаву роҳравҳо тозаю ороста шуда, хурду бузург бо пероҳани зебои идона ҳамдигарро шодбош гуфта барои таҷлили ҷашни пур аз рангиниҳо ба Наврӯзгоҳ мерафтанд. Қабл аз оғози тантанаҳои наврӯзӣ дар маркази ноҳия бо иштироки раиси ноҳия Муҳаммадраҳим Юсуфӣ як Маркази замонавии кӯдакона бо номи «Баҳористон» расман ифтитоҳ шуд. Бояд гуфт, ки маркази дилхушии «Баҳористон» аз ҷониби як тан соҳибкори ноҳия сохта ба истифода дода шуд, ки дар натиҷаи амали гардидани ин иқдоми нек гуруҳе аз сокинони ноҳия соҳиби ҷои кори доими шуда, бо маоши хуб низ таъмин мегарданд. Баъд аз кушодашавии ин маркази дилхушӣ, дар Нарӯзгоҳ чорабиниҳои идона бо суханронии масъулини ноҳия оғоз гардид. Дар ҷараёни суханронии худ, раиси ноҳияи Рӯдакӣ сокинону меҳмононро бо ҷашни Наврӯзи аҷам шодбош гуфта, барояшон хушбахтӣ ва дар зиндагияшон тинҷию оромиро таманно намуд. Сипас барномаи театрикунонидашудаи ҳунармандони шуъбаи фарҳанги ноҳия ба ин маҳфили фарҳангиву фароғатӣ шукуҳу ҷалоли дигар бахшид.
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
