Таҷлили бошукӯҳи тантанаҳои наврӯзӣ дар Кӯлоб

Кӯлоб, 26.03.2016 (АМИТ «Ховар»).- Дар доираи таҷлили ҷашни Наврўзи байналмилалӣ бо ташабуси Кумитаи ҷавонон, варзиш ва сайёҳии назди Ҳукумати Чумҳурии Точикистон корвони наврӯзии ҷавонон ва рӯзноманигорон баргузор гардид, ки дар ин сафар аз тамоми манотиқи Тоҷикистон ҷавонон ва рӯзноманигорон ҷалб шуда, аз мавзеъҳои таърихию фарҳангӣ ва сайёҳии вилояти Хатлон боздид ба амал оварданд.
Намояндагии ҷавонони шаҳру ноҳияҳои ҷумҳурӣ тибқи барномаи баргузории тантанаҳои наврӯзӣ аз оромгоҳи орифи шаҳир Мир Сайид Алии Ҳамадонӣ, хумдону сағонаҳои атрофи он, осорхона ва мероси адабии Алии Ҳамадонӣ боздид ба амал оварданд.
Ҳамчунин зимни сафар гурӯҳи ҷавонон ва рӯзноманигорон аз Муҷтамаи давлатии осорхонаҳои шаҳри Кӯлоб боздид намуда, бо таърихи минтақаи Кўлоб аз наздик шинос шуданд.