Таҷлили Наврӯзи байналмилалӣ дар шаҳри Роғун

Душанбе, 22.03.2016. (АМИТ «Ховар»). — Имрӯз дар маркази шаҳри Роғун ҷашни Наврӯзи байналмилалӣ бо шукӯҳу шаҳомат таҷлил гардид.
Раиси шаҳри Роғун Шариф Шарифзода меҳмонон ва сокинони шаҳрро бо ҷашни Наврӯзи хуҷастапай шодбош гуфта, доир ба мақом ва асолати Наврӯз сухан кард.
Дар ҷашни Наврӯзӣ ҷамоатҳои шаҳраку деҳот, соҳаҳои маорифу тандурустӣ, корхонаю муассисаҳо ва қисмҳои ҳарбӣ, инчунин кормандони Нерӯгоҳи барқи обии «Роғун» иштирок намуда, дастовардҳо, санъати гулдузӣ, либосҳои миллӣ, китоб ва зиёда аз 30 намуд хӯрокҳои миллӣ ба намоиш гузошта шуд.
Дар ин чорабинӣ санъаткорони ҷумҳурӣ ва шуъбаи фарҳанги шаҳр бо барномаи консертии идона хотири иштирокчиёнро шод гардониданд.
Ҳамчунин дар ҷашни Наврӯзии шаҳри Роғун мусобиқаи варзишӣ доир ба гӯштин баргузор шуда, паҳлавонони шинохтаи ҷумҳурӣ низ дар он иштирок варзиданд.