100 оилаи муҳоҷирони дохилӣ бо қитъаи замини наздиҳавлигӣ таъмин гардиданд

Апрель 16, 2016 10:20

Душанбе, 16.04.2016. /АМИТ «Ховар»/. Ба ҳолати 15 марти соли равон дар ҷумҳурӣ 100 оилаи муҳоҷирони дохилӣ бо қитъаи замини наздиҳавлигӣ барои сохтмони манзили истиқоматӣ таъмин гардид. Муҳоҷирони дар мавзеъҳои нави зист ба қайд гирифташуда 20%-и нақшаи солонаро ташкил медиҳанд. Дар айни замон 500 оилаи муҳоҷирон, аз ҷумла 80 оила аз ноҳияи Рашт, 60 оила аз ноҳияи Тоҷикобод ва 360 оила аз ноҳияи Лахш дар деҳаи Чоргули ҷамоати деҳоти Муксу, деҳаи Дуванаи ҷамоати деҳоти Алға, деҳаи Ҷаилғани ҷамоати деҳоти Лахш ва деҳаи Сарталои ҷамоати деҳоти Сарталои ноҳияи Лахш ба таври муташаккилона бо қитьаҳои замин барои сохтмони хонаи истиқоматӣ таъмин карда шуданд.
Ҳоло дар мавзеъҳои нави зисти муҳоҷирон 128 оила зиндагӣ доранд.
Тавре аз Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ доданд, дар айни замон корҳои омодагӣ ҷиҳати кўчонидани муҳоҷироне, ки дар мавзеъҳои хавфнок истиқомат доранд, идома дорад.
Ҳамзамон ба 77 хоҷагии аз минтақаи зериобмонии НБО “Роғун”, ки соли 2015 дар шаҳраки Дарбанди ноҳияи Нуробод бо қитъаи замини наздиҳавлигӣ таъмин гардида буданд, маблағи қарзи имтиёзнок ба миқдори 231 ҳазор сомонӣ ва кумаки яквақтаинаи моддӣ ба миқдори 26 ҳазор 750 сомонӣ, дар маҷмӯъ 257 ҳазор 750 сомонӣ тавассути бахши Бонки давлатии амонатгузории Ҷумҳурии Тоҷикистон “Амонатбонк” дар ноҳияи Нуробод ҷиҳати пардохт интиқол дода шуд.

Апрель 16, 2016 10:20

Хабарҳои дигари ин бахш

Дар ноҳияи Сангвор бо афсарону сарбозон вохӯрии судманд баргузор гардид
HUAWEI маҳсулоти инноватсионии худро дар Париж муаррифӣ намуд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар шаҳри Новосибирски Русия гӯшаи забон ва адабиёти тоҷик ифтитоҳ ёфт
Имрӯз дар водиҳои Тоҷикистон ҳаво то 34 дараҷа гарм мешавад
Ҳаким Фирдавсӣ камоли бузургвории устод Рӯдакиро дар забону адаби мо дар «Шоҳнома» мавриди ситоиш қарор додааст
Оид ба пешниҳоди «Стратегияи миллии идоракунии партовҳо то соли 2040» ҷаласаи корӣ доир гардид
Имрӯз дар шаҳри Душанбе ҳаво то 32 дараҷа гарм мешавад
СОЛҲОИ РУШДИ ИҚТИСОДИ РАҚАМӢ ВА ИННОВАТСИЯ. Татбиқи инноватсия дар фаъолияти китобдорӣ муҳим аст
Дар Бадахшон даври вилоятии Озмуни ҷумҳуриявии «Илм- фурӯғи маърифат» ҷамъбаст гардид
Имрӯз дар доманакӯҳҳои Тоҷикистон ҳаво то 30 дараҷа гарм мешавад
ТАҚВИМИ АМИТ «ХОВАР»: имрӯз 20 сентябр, шанбе, 263-юмин рӯзи соли 2025 аст