200 нафар ҷангиён-нухбагони гурӯҳҳои ДИ аз ҷониби неруҳои ҳавоии Ироқ нобуд гардиданд

Душанбе, 28.04.2016 / АМИТ «Ховар» /. Беш аз 200 нафар ҷангиёни гурӯҳи террористии ба ном «Давлати исломӣ» зимни амалиёти неруҳои ҳавоии артиши Ироқ дар наздикии минтақаи Миҳани  музофоти  Найнаво нобуд карда шуданд. Дар ин бора ТАСС хабар медиҳад.
Бино ба изҳороти фармондеҳии артиш, зимни амалиёти озоднамоии деҳаи Миҳан, ки онро гурӯҳи иеррористиии ба ном «Давлати исломӣ» ба як минтақаи  таҳкимии пуриқтидоре  табдил дода буд, наздики 200 нафар ҷангиёни воҳидҳои «элита»-и гурӯҳи террористӣ нобуд карда шуданд».
Гуфта мешавад, ки беш аз сад  ҷангии нобудшуда шомили гурӯҳи ба ном таъйиноти махсуси ДИ буданд, ки  бо бераҳмии худ нисбат ба аҳолии минтақаҳои аз тарафи террористон ишғолшуда  машҳур буданд.  Манотиқи атрофи Миҳан  пурра  таҳти назорати  неруҳои ироқӣ дароварда шуда, дар ҷараёни амалиёт ягон  сарбози ироқӣ кушта нашуд», — зикр мешавад дар изҳороти ситоди амалиёт дар музофоти  Найнаво.