23 вайронкунандаи қонунгузории замин ҷарима гардид

Ш.Шоҳин, 02.04.2016 (АМИТ «Ховар»). Дар ноҳияи Шамсиддин Шоҳин дар се моҳи соли равон   нисбат ба 23 вайронкунандаи қонунгузории замин санад  тартиб дода шуда,  ба маблағи 4560 сомонӣ ҷарима баста  шуданд. Тавре ки  раиси  идораи  заминсозии  ноҳия  Шамсмад Сангов иттилоъ дод,  аз маблағи ҷарима  3960 сомонӣ ба буҷет  ворид  карда  шуда, 14  ҳолати вайронкунии  замин   бартараф карда шуд.  Аксари ҷаримашудагон   барои   напардохтани маблағи  андоз,  надоштани  сертификати замин, истифодаи ғайримақсадноки замин, риоя накардани  истифода ва тартиботи замин, ғасб намудани замин ва дигар равандҳое, ки  ба вайронкунии қонунгузории замин шомил мебошанд,  гунаҳгор дониста шудаанд.