Ҳайати парлумонии Тоҷикистон ба Русия рафт

Душанбе, 18.04.2016/АМИТ Ховар/.Ҳайати парлумонии Тоҷикистон таҳти роҳбарии Шукурҷон Зуҳуров, Раиси Маҷлиси намояндагони Маҷлиси Олии Ҷумҳурии Тоҷикистон субҳи имрӯз ҷиҳати иштирок дар машварати якуми раисони парлумонҳои АвруОсиё озими Маскав- пойтахти Русия гардид.
Аз палатаи поёнии Парлумони мамлакат ба АМИТ «Ховар» иттилоъ доданд, ки дар машварати якуми раисони парлумонҳои АвруОсиё сарони парлумонҳои кишварҳои Афғонистон, Арманистон, Озарбойҷон, Беларус, Ветнам, Ҳиндустон, Индонезия, Эрон, Қазоқистон, Қирғизистон, Чин, Камбоҷа, Муғулистон, Покистон, Ҷумҳурии Корея, Русия, Таиланд, Филиппин, Чехия ва дигар кишварҳо иштирок менамоянд.
Интизор меравад, ки дар доираи ин сафар Шукурҷон Зуҳуров бо ҳамтоёни худ аз кишварҳои Осиё ва Аврупо мулоқот намуда, маҷмӯи масъалаҳои марбут ба таҳкими ҳамкории парлумониро матраҳ созад.