Ҷамоати деҳоти Тусиён ба бинои нав мекӯчад

Роштқалъа, 15.04.2016. /АМИТ «Ховар»/. Бо маблағгузории шуъбаи сохтмони асосии мақомоти иҷроияи ҳокимияти давлатии ВМКБ барои кормандони ҷамоати деҳоти Тусиёни ноҳияи Роштқалъа бинои нави дуошёна бунёд карда мешавад.
Муҳандиси сохтмони мазкур Парпишо Носиров гуфт, ки барои пурра мавриди истифода қарор додани сохтмони мазкур 4 миллион сомонӣ аз буҷаи маҳаллӣ ҷудо шудааст ва тасмим гирифтем, ки рӯзи 24 июни соли равон, яъне дар арафаи 19- умин солгарди ҷашни Ваҳдати миллӣ онро мавриди баҳрабардорӣ қарор диҳем.
Бино аз 18 утоқи корӣ, даҳлези калон ва маҷлисгоҳ иборат аст.Дар айни ҳол коргарон охирин корҳои сохтмониро ба итмом мерасонанд ва баъдан ба ободу сабзазоркунии атрофи бино оғоз менамоянд.