Баргузории намоиши таълимӣ-туристӣ дар Хатлон

Душанбе, 22.04.2016/АМИТ«Ховар»/. Дирӯз дар шаҳри Қурғонтеппа бо дастгирии Вазорати маориф ва илми Ҷумҳурии Тоҷикистон дар ҳамкорӣ бо Палатаи савдо ва саноати вилояти Хатлон 18-умин Намоишгоҳи байналмилалии таълимӣ-туристӣ-2016 доир гардид. Дар чорабинӣ масъулони мақомоти иҷроияи ҳокимияти давлатии вилояти Хатлон ва намояндагони донишгоҳҳои хориҷӣ, устодону хонандагони муассисаҳои таҳсилоти миёнаи умумии шаҳр иштирок намуданд.

Тибқи иттилои Саидҷон Абдуллоев, муовини директори ширкати «T.M. International», дар намоишгоҳ намояндагони 16 донишгоҳ аз 6 кишвари дунё, аз ҷумла ИМА, Малайзия, Чин, Британиёи Кабир ва Туркия ба хонандагон дар бораи донишгоҳҳои хориҷӣ ва имконияти таҳсил дар хориҷи кишвар маълумот дода, хоҳишмандонро барои таҳсил дар беҳтарин макотиби олии дунё ҷалб намуданд.