Беҳтарин «Мураббии сол» муайян шуд
Хоруғ, 15.04.2016 /АМИТ «Ховар/. Ба марҳилаи ниҳоии озмуни «Мураббии беҳтарини сол» дар кӯдакистони рақами чоруми шаҳри Хоруғ чаҳор нафар аз мураббиёни кӯдакистонҳои шаҳр ҳаққи ширкат пайдо карданд.
Корманди масъули шуъбаи маорифи шаҳр Халил Қурбонмамадов гуфт, ки ҳадафи озмун ташвиқи ҳарчӣ бештари истифода аз навгониҳои соҳаи маориф аст. Олимони риштаи маориф рушди барвақтии кӯдаконро яке аз омилҳои муҳими ба воя расидани кадрҳои болаёқат ва боистеъдод мешуморанд. Аз ин рӯ ҳоло дар тамоми шаҳру навоҳии вилоят муассисаҳои таълимии томактабӣ фаъолият доранд.
Дар чунин муассисаҳо бояд мураббиҳои навовар, эҷодкор ва донандаи забонҳои русию англисӣ кор кунанд.
Мақсади озмун бедор кардани ҳисси масъулият дар ниҳоди мураббиҳо мебошад. Мураббии кӯдакистони рақами яки шаҳр Ганҷина Хуморикова бо тарзу усулҳои шавқовар ва барои кӯдакон муфид, ҳамчунин посухҳои дуруст ба суолҳои ҳакамон тавонист мақоми аввалро аз худ кунад.
Аъзои ҳакамон бо як овоз ин мураббиро ғолиби озмуни «Мураббии беҳтарини сол» эълон намуданд.
Дар қаламрави Тоҷикистон заминларза ба амал омад
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
