Бозиҳои VIII зимистонаи Осиё дар Саппорои Ҷопон мегузаранд

Душанбе, 28.04.2016 /АМИТ «Ховар»/. Дар шаҳри Саппорои Ҷопон давоми се рӯз семинари намояндагон-роҳбарони  намудҳои варзиши зимистонаи кишварҳои Осиё барпо гардид, ки дар он Тоҷикистонро  Баҳрулло Раҷабалиев, дабири кулли Кумитаи олимпии кишвар ва Муҳаммадшо Абдуллоев, директори генералии ин ниҳод муаррифӣ карданд.
Бозиҳои зимистонаи Осиёӣ, ки мебоист зимистони соли 2015 гузаронида мешуданд, бо қарори Асссамблеяи Генералии шӯрои олимпии Осиё дар соли 2009 бо мақсади наздик кардан ба бозиҳои Олимпии зимистона ба соли 2017 таҳвил дода шуданд ва макони баргузории он шаҳрҳои ҷопонии Саппоро ва Обиҳиро пазируфта шуданд.
Ин сеюмин бозие маҳсуб мешавад, ки дар Саппорои Ҷопон сурат хоҳад гирифт.
Дар назар аст, ки дар бозиҳои зимистонаи Осиё , ки моҳи феврали соли 2017 мегузаранд, тақрибан 1500 варзишгар аз 30 кумитаи миллии олимпӣ ширкат варзанд.