Бунёди 2 бинои нави истиқоматӣ дар Қурғонтеппа

Қӯрғонтеппа, 01.04.2016. (АМИТ «Ховар). Дар рӯзҳои ҷашнгирии Наврӯзи байналмилалӣ дар шаҳри Қурғонтеппа 2 бинои нави истиқоматӣ ба истифода дода шуд. Дар маросими супоридани биноҳои истиқоматӣ раиси вилояти Хатлон Давлатшоҳ Гулмаҳмадзода ва раиси шаҳри Қурғонтеппа Амирулло Асадулло ширкат варзиданд.
Тавре ки ба АМИТ Ховар аз мақомоти иҷроияи ҳокимияти давлатии шаҳри Қурғонтеппа иттилоъ доданд, ҳарду бино дар маркази шаҳр ҷойгир буда, аз тарафи соҳибкорони маҳаллӣ сохта шудаанд ва ба талаботи шаҳрдорӣ ҷавобгӯ мебошанд.
То ҷашни 25- солагии Истиқлолияти давлатии Ҷумҳурии Тоҷикистон дар Қурғонтеппа 17 иншооти гуногун ба истифода дода мешавад.