Дар Хуросон нақшаи кишти пахта иҷро гардид

Қурғонтеппа, 27.04.2016. /АМИТ «Ховар/. Дар  ноҳияи Хуросон  нақшаи пешбинишудаи  кишти пахта   иҷро гардид. Тавре  ба АМИТ  «Ховар»  аз  шуъбаи  иттилоотӣ-таҳлилии  мақомотти иҷроияи ҳокимияти давлатии  вилояти Хатлон  хабар доданд, нақшаи пешбинигардида, ки 4350 гектар мебошад, пурра иҷро гардид.
Ҳамчунин зикр шуд, ки дар «Барномаи рушди боғу токпарварӣ барои солҳои 2016-2020» бунёди 200 гектар боғу токзор ба нақша гирифта шудааст.
Аллакай имсол дар 134 гектар боғҳои нав бунёд гардиданд, ки аз ин 93 гектар боғи себ, 12 гектар олуча, 2 гектар олу ва 27 гектар токзор мебошад.