Дар Муъминобод ба пешвози 25 — солагии Истиқлолияти давлатӣ Қасри фарҳанг бунёд гардид

Душанбе,19.04.2016/АМИТ«Ховар»/. Дирексияи сохтмони назди Дастгоҳи иҷроияи Президенти Ҷумҳурии Тоҷикистон дар маркази ноҳияи Муъминобод- шаҳраки Муъминобод бо сарфи 8, 5 миллион сомонӣ Қасри фарҳанг бунёд намуд. Ин муассисаи фарҳангӣ 408 ҷойи нишастро дар бар гирифта, сохтмони онро ҶДММ «Трои сохтмон», «Тиҷорат сохтмон» ва «Маҷдиён» ба анҷом расониданд.
Дар ин хусус Гулбарг Боқиева, мудири бахши фарҳанги мақомоти иҷроияи ҳокимияти давлатии ноҳияи Мӯъминобод иттилоъ дода, зикр намуд, ки бинои Қасри фарҳанг дар рӯзи таҷлили 25- солагии Истиқлолияти давлатии Ҷумҳурии Тоҷикистон мавриди истифода қарор мегирад.