Дар Муъминобод вакилон бо раъйдиҳандагон мулоқот намуданд

Душанбе, 29.04.2016./АМИТ«Ховар»/. Дар  ноҳияи Муъминобод мулоқоти  овоздиҳандагон бо  Маҷидзода Ҷурахон Зоир, раиси Кумита оид ба тартиботи ҳуқуқӣ, мудофиа ва амният, Муҳиддиниён Пӯлод Муҳиддин, муовини раиси Кумита оид ба энергетика, саноат, сохтмон ва коммуникатсия ва Абдуҳалим Ғаффоров, узви Кумита оид ба масъалаҳои иҷтимоӣ, оила ва ҳифзи саломатии Маҷлиси намояндагони Маҷлиси Олии Ҷумҳурии Тоҷикистон дар  ҳавзаи раъйпурсии Муъминобод №60  баргузор гардид.
Вакилон ба ҳозирин  моҳияти пешниҳоди аъзои Маҷлиси миллӣ ва вакилони Маҷлиси намояндагон «Оид ба ворид намудани тағйиру иловаҳо ба Сарқонуни Ҷумҳурии Тоҷикистон» ва раъйпурсии умумихалқиро, ки 22-майи соли равон баргузор мегардад,  шарҳ дода,  раъйдиҳандагонро ба иштироки фаъолона дар ин маъракаи муҳими сиёсӣ  даъват намуданд.