Дар Пекин Шӯрои ҳамоҳангсозони миллии давлатҳои аъзои СҲШ ба кори худ шурӯъ кард
Душанбе, 20.04.2016 /АМИТ «Ховар»/. Дирӯз, 19-уми апрел дар Пекин ҷаласаи Шӯрои ҳамоҳангсозони миллии (ШҲМ) давлатҳои аъзои СҲШ таҳти раёсати муовини вазири карҳои хориҷии Ҷумҳурии Узбекистон Анвар Носиров ифтитоҳ гардид. Дар он Котиби генералии СҲШ Рашид Олимов ва муовини директори Кумитаи иҷроияи Сохтори минтақавии зиддитерористии СҲШ Аҳтамшо Пиров иштирок намуданд.
Тибқи иттилои сомонаи расмии СҲШ, дар ҷаласа, ки то 22-юми апрел идома меёбад, беш аз 20 масъалаи вобаста ба нақшаи кори Созмон дар соли 2016 мавриди баррасӣ қарор хоҳанд гирифт
Дар назар аст, ки масъалаҳои рушди рӯзафзуни минбаъдаи ҳамкорӣ байни кишварҳои аъзо, давлатҳои нозир ва шарикон оид ба муколамаи СҲШ дар бахши сиёсӣ, иқтисодию тиҷоратӣ, фарҳангӣ-гуманитарӣ ва дигар соҳаҳо мавриди баррасӣ қарор гиранд.
Дар ҷаласаи Шӯрои ҳамоҳангсозони миллӣ ба масъалаи омодагии зина ба зина ба чорабинии асосии сол-Ҷаласаи Шӯрои сарони давлатҳои аъзои СҲШ, ки соли равон дар пойтахти Ҷумҳурии Узбекистон- шаҳри Тошканд баргузор мешавад, таваҷҷуҳи хосса зоҳир карда мешавад.
Ҷумҳурии Тоҷикистонро дар ин ҷаласа Сафири Фавқуллода ва Мухтори Ҷумҳурии Тоҷикистон дар Ҷумҳурии Мардумии Чин Парвиз Давлатзода намояндагӣ мекунад.
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
