Дар Суғд ба иштирокдорони ҶДҶ ва фидокорони ақибгоҳ кумак мерасонанд

Душанбе, 27.04.2016./АМИТ«Ховар»/. Мақомоти иҷроияи ҳокимияти давлатии вилояти Суғд тасмим гирифтааст  ба муносибати 71- солагии Рӯзи Ғалаба дар Ҷанги дуюми ҷаҳонӣ ба иштирокдорону маъюбони он ва ҳамсарони бесаробонмондаи онҳо ба маблағи 1000 сомонӣ кумакпулии яквақта расонанд.
Дар ин бора аз Маркази матбуоти мақомоти иҷроияи ҳокимияти давлатии вилояти Суғд хабар дода, зикр намуданд, ки ҳамзамон ба шахсоне, ки дар давраи ҷанг дар хизмати ҳарбӣ буданд ва на камтар  аз 6 моҳ дар ақибгоҳ кор кардаанд, инчунин ба шахсоне, ки барои хизмати ҳарбии бенуқсон ва меҳнати фидокорона дар ақибгоҳ дар Ҷанги дуюми ҷаҳонӣ бо  медалҳо  сарфароз гардидаанд, ба маблағи 800 сомонӣ кумакпулии яквақта расонида мешавад.