Дастгир гардидани гумонбарон дар ҷинояти дуздӣ

Душанбе, 4.04.2016 /АМИТ «Ховар»/. Ба мақомоти милитсия зани 44-солаи шаҳри Хуҷанд муроҷиат намудааст, ки шахси номаълум бо роҳи пинҳонӣ вориди хонаи истиқоматиаш шуда, аз он ҷо 8650-сомонӣ маблағи пулӣ ва ҷавоҳироти тиллоӣ, ҷамъ ба маблағи 24570-сомониро дуздида, аз ҷойи ҳодиса ғайб задааст. Кормандони милитсия ҷавондухтари 17-сола, сокини шаҳри Хуҷандро бо гумони даст доштан дар ҷинояти дуздӣ дастгир намуданд.
Зимни гузаронидани як чорабинии фаврии дигар зани 27-солаи ноҳияи Рӯдакӣ бо гумони дуздӣ дастгир гардид. Муайян шуд, ки гумонбаршуда 27-уми марти соли равон тариқи пинҳонӣ аз хонаи истиқоматии зани 34-солаи ноҳияи Ҳисор ҷавоҳироти гуногуни тиллоӣ, ҷамъ ба маблағи умумии 23400-сомониро дуздида, аз ҷойи ҳодиса ғайб задааст.
Нисбат ба далелҳои мазкур парвандаи ҷиноятӣ оғоз гардида, тафтишот идома дорад.