«Ҳикояи беҳтарин» ва дарёфти истеъдодҳои ҷавон дар Суғд
Душанбе, 27.04.2016./АМИТ«Ховар»/. Ба пешвози 25-солагии Истиқлолияти давлатии Ҷумҳурии Тоҷикистон мақомоти иҷроияи ҳокимияти давлатии вилояти Суғд ва шуъбаи суғдии Иттифоқи нависандагони Тоҷикистон барои дарёфти истеъдодҳои ҷавон дар ҷодаи наср озмуни вилоятии «Ҳикояи беҳтарин»-ро эълон намудааст. Яке аз шартҳои озмун интишори ҳикояҳои пешниҳодшаванда дар рӯзномаи вилоятии «Ҳақиқати Суғд» ва маҷаллаи «Паёми Суғд» мебошад.
Дар озмун қаламкашони ҷавон (то 30-сола) ҳунар варзида, интихоби мавзӯъ озод аст. Озмун аз моҳи сентябри соли 2015 оғоз ёфта, моҳи августи соли 2016 дар арафаи ҷашни Истиқлолияти давлатӣ ҷамъбаст мегардад. Ғолибони озмун барои ҷои аввал 2 000 сомонӣ, дуюм 1500 сомонӣ ва сеюм 1000 сомонӣ мукофот хоҳанд гирифт.
Дар ин бора аз Маркази матбуоти мақомоти иҷроияи ҳокимияти давлатии вилояти Суғд хабар доданд.
Дар шаҳри Душанбе ҷашни Меҳргон таҷлил мегардад
Имрӯз дар ноҳияҳои кӯҳии Тоҷикистон ҳаво то 25 дараҷа гарм мешавад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
