Имрӯз «Барселона» бо «Атлетико» қувва меозмояд

Душанбе, 13.04.2016 (АМИТ «Ховар»). Шоми имрӯз бозии ҷавобии ¼ -ниҳоии Лигаи футболи Ҷоми чемпионҳои Аврупо байни дастаҳои «Атлетико» бо «Барселона» баргузор мешавад.
Ёдовар мешавем, ки дар дидорҳои аввали ¼ -ниҳоии Ҷоми чемпионҳои Аврупо клуби футболи «Барселона» дар варзишгоҳи «Камп Ноу» бо душворӣ дастаи «Атлетико»-ро бо натиҷаи 2 бар 1 мағлуб кард. Дар нимаи дуввуми рақобат Луис Суарес бо маҳорати фардӣ «Барселона»-ро бо ду голи задааш ба сӯи пирӯзӣ кашид ва онро ғолиб гардонд.
Хотиррасон менамоем, ки як голи задаи дастаи футболи «Атлетико» дар сафар то вохӯрии такрорӣ шуълаи умедро дар дили мухлисонаш барои ба даври нимниҳоӣ баромадан зинда нигоҳ медорад.