Имтиҳоноти қабул дар ДДТХ тавассути имтиҳонсупорӣ дар назди устодон сурат мегирад
Душанбе, 4.04.2016 /АМИТ «Ховар»/. «Имсол имтиҳоноти қабул дар Донишгоҳи давлатии тиббии Хатлон тариқи анъанавӣ, яъне чун солҳои қаблӣ, тавассути имтиҳонсупории бевосита дар назди устодони ҳамин муасиссаи таълимӣ сурат мегирад»,-гуфт муовини ректори Донишгоҳи давлатии тиббии Хатлон Бобомурод Ғафуров ба довталабон ва волидони онҳо, ки Рӯзҳои дарҳои кушода ба ДДТТ ба номи Абӯалӣ ибни Сино омада буданд.
Донишгоҳи нав аз рӯи 3 ихтисос- тиббӣ, педиатрӣ ва стоматологӣ 350 довталабро ҳам тариқи таҳсили шартномавӣ ва тариқи буҷавӣ қабул менамояд. Б.Ғафуров ҳозиринро бовар кунонд, ки тавассути дастгирии бевоситаи Ҳукумати мамлакат дар шаҳри Данғара бунёди як маҷмааи муҳташами таълимӣ-тиббӣ оғоз ёфта, он дар давоми 3 сол бояд ба анҷом расад. Алҳол бошад, барои қабули 350 муҳассил тамоми шароитҳои зарурӣ муҳайё гашта, омӯзгорони варзида тариқи озмун ба кор қабул мешаванд.
Директори Маркази омодагии қаблии ДДТТ ба номи Абӯалӣ ибни Сино, Р.Қиматов ҳозиринро бо матни муроҷиатномаи Маркази миллии тестии назди Президенти Ҷумҳурии Тоҷикистон шинос намуд. Дар он аз довталабон ва волидони онҳо даъват карда мешавад, ки дар ин марҳилаи тақдирсоз ба фиребу найранги ҳангомаҷӯён ва ваъдабозон бовар накарда, ҳангоми имтиҳонсупорӣ танҳо ба донишу маҳорати хеш такя намоянд. Зикр гардид, ки имтиҳони дохилшавӣ ба ДДТТ ба номи Абӯалӣ ибни Сино тавассути ММТ-и назди Президенти Ҷумҳурии Тоҷикистон сурат гирифта, баъди бомуваффақият супоридани имтиҳонот довталабон бояд дар вақти муайяншуда аз қайди комиссияи қабули донишгоҳ гузаранд.
Дар охир довталабон ва волидони онҳо оид ба паҳлуҳои гуногуни имтиҳоноти қабул ба ин ду муассисаи таҳсилоти олии тиббӣ саволҳо дода, ҷавобҳои мушаххас гирифтанд.
«ЧИЛ РӮЗИ ҲАЁТИ КӮДАКОН». Дар шаҳру ноҳияҳои Хатлон бахшида ба Рӯзи байналмилалии ҳифзи кӯдакон ҳамоишҳо доир мегарданд
«ТОҶИКИСТОНИ МАН!». Дар шаҳри Ҳисор ҳамоиши ҷоизасупорӣ ба ғолибони ин маҳфил-озмун доир гардид
Дар Кӯлоб оид ба ташаккули иқтисоди «сабз» чун омили рушди устувори иқтисоди миллӣ ҳамоиш доир шуд
Дар Мактаб-интернати кӯдакони ятиму бепарастори ноҳияи Темурмалик 101 тарбиятгиранда ба таълим фаро гирифта шудааст
Дар шаҳри Кӯлоб мустаҳкам намудани соҳили дарёҳо ва селпартоҳо идома дорад
БОРЖОМИ. Ин шаҳри курортӣ ва дорои чашмаи шифобахш дар Гурҷистон аст
Имрӯз дар Тоҷикистон ҳавои камабри бебориш пешгӯӣ мешавад
Дар ноҳияи Файзобод офатҳои табиӣ бартараф карда мешаванд
Дар шаҳри Конибодом ҷаласаи сайёри Шурои ҷамъиятии Ҷумҳурии Тоҷикистон баргузор шуд
«БАРОИ СУЛҲ ВА ДӮСТӢ». Таҳти чунин унвон дар Тоҷикистон фестивали байналмилалӣ оғоз гардид
ИМРӮЗ-РӮЗИ ҶАҲОНИИ ФУТБОЛ. Бахшида ба он дар дувоздаҳ шаҳру ноҳияи Тоҷикистон фестивалҳои футбол доир мешаванд
Имрӯз бори нахуст Рӯзи ҷаҳонии футбол таҷлил мегардад
