Инъикоси дастовардҳои давраи соҳибистиқлолӣ

Қурғонтеппа, 28.04.2016. /АМИТ «Ховар/ . Бахшида ба таҷлили 25-солагии Истиқлолияти давлатии Ҷумҳурии Тоҷикистон  дар осорхонаи вилояти Хатлон ба номи Авасто гӯшаи нав аз дастовардҳои Истиқлолият пешкаши тамошобинон гардонида шуд.
Тавре аз шуъбаи иттилоотӣ-таҳлилии  мақомоти иҷроияи ҳокимияти давлатии вилояти Хатлон  иттилоъ доданд, дар ин гӯшаи ҷашнӣ аксҳо ва маълумот аз ҳаёту фаъолияти ҷавонон, сохтмони пулу нақбҳо ва роҳҳои мошингард, бунёди боғҳои нав, пешравӣ дар соҳаҳои мухталифи хоҷагии халқи вилоят, сохтмони неругоҳҳои барқӣ,  биноҳои истиқоматӣ, иншоотҳои гуногуни маишию хизматрасонӣ, мавзеъҳои гуногуни истироҳатию фароғатӣ, намоишҳо ва ҷашнҳои ҷумҳуриявию байналмилалӣ, муқаддасоти миллӣ ва артиши миллӣ ба тамошо гузошта шудаанд.