Интихоботи парлумонӣ дар Сурия анҷом ёфт
Душанбе, 14.04.2016. /АМИТ «Ховар»/. Дар Сурия интихоботи Шӯрои миллӣ /Парлумон/ анҷом ёфт. Кори беш аз 7 ҳазор ҳавзаҳои интихоботӣ, ки бояд соати 19:00-и рӯзи чоршанбе /вақти маҳаллӣ/ ба охир мерасид, бинобар сабаби талотуми мардум бо қарори Кумитаи суди олии интихоботи ин кишвар 5 соат тамдид карда шуд.
Бино ба иттилои Комиссияи интихоботии Сурия, натиҷаи интихобот дар давоми 48 соат эълон хоҳад шуд.
Интихоботи парлумонии Сурия дар асоси бисёрҳизбӣ тибқи конститутсияи дар раъйпурсии 26-уми феврали соли 2012 тасдиқшуда сурат гирифт. Органи қонунгузори Сурия аз 250 вакил иборат буда, онҳо аз тариқи овоздиҳии умумӣ, мустақим ва пинҳонӣ ба муҳлати чор сол интихоб мегарданд. Дар интихобот беш аз 11 ҳазор номзад иштирок дошт.
Овоздиҳӣ дар ҳудуди 13 (ҳамагӣ 15- то) округи интихоботии Сурия ба истиснои музофотҳои Раққа ва Идлиб, ки қисмати асосии онҳо зери назорати ҷангиёни гурӯҳҳои террористии ба ном «Давлати исломӣ» ва «Ҷабҳат ан-Нусра» қарор доранд, гузаронида шуд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
