Истифодаи сарфакоронаи неруи барқ

Тоҷикобод, 02.04.2016.(АМИТ «Ховар»). Маъмурияти шабакаҳои барқи ноҳияи Тоҷикобод бо мақсади таъмини иҷрои қарору супоришҳои Ҳукумати Ҷумҳурии Тоҷикистон оид ба сарфакорона ва самаранок истифода бурдани неруи барқ ва дар бораи сари вақт омода намудани соҳаҳои иқтисодиёт ва иҷтимоиёт барои фаъолияти мунтазам ва самарабахш дар солҳои 2015 ва 2016 ба маблағи 195 ҳазору 800 сомонӣ барои таъмир намудан тачҳизоти зарурӣ харид намудаанд. Инчунин дар рафъи оқибатҳои табиӣ дар ҷамоати деҳоти Лангари шоҳ барои таъмир ва барқарор намудан ва таъмини биноҳои навбунёд бо қувваи барқ ва шинонидани трансформаторҳо 214 ҳазору 553 сомонӣ сарф намудаанд. Муассисаи мазкур дар ин давра дар ҳудуди ноҳия 5 трансформатор шинонид, ки 2 адади онро мардуми деҳаҳои Гулрез ва Қалъа харидорӣ намудаанд.