Конфронс: «Истиқлолият ва рушди хизмати давлатӣ дар Ҷумҳурии Тоҷикистон»

Душанбе, 19.04.2016 /АМИТ «Ховар/. «Истиқлолият ва рушди хизмати давлатӣ дар Ҷумҳурии Тоҷикистон»-таҳти чунин унвон бахшида ба 25-солагии Истиқлолияти давлатии Ҷумҳурии Тоҷикистон ва 15-солагии таъсиси Агентии хизмати давлатии назди Президенти Ҷумҳурии Тоҷикистон 22 апрели соли равон Конфронси ҷумҳуриявии илмию амалӣ дар маҷлисгоҳи Агентии хизмати давлатӣ баргузор мегардад.
Дар конфронс дар мавзӯъҳои «Нақши сиёсати давлатии кадрҳо дар таъмини амнияти миллӣ», «Татбиқи технологияҳои кадрӣ дар мақомоти давлатӣ», «Самтҳои муҳими ҳамкории байналмилалӣ дар соҳаи хизмати давлатӣ», «Ташаккул ва рушди қонунгузории хизмати давлатии Ҷумҳурии Тоҷикистон», «Танзими ҳуқуқии фаъолияти хизмати давлатӣ дар Ҷумҳурии Тоҷикистон», «Истиқлолияти давлатӣ ва рушди сиёсати хориҷии Ҷумҳурии Тоҷикистон», «Нақши Президенти Ҷумҳурии Тоҷикистон дар баланд бардоштани мақоми зан дар ҷомеа», «Истиқлолият ва таҳкими мақоми зан дар мақомоти корҳои дохилӣ» ва «Идоракунии ҳаёт дар хизмати давлатӣ» аз ҷониби олимони коршиносони соҳа маъруза пешниҳод хоҳад шуд.