Конибодом: Ғолиби даври шаҳрии фестивали «Либосҳои миллӣ» муайян шуд
Душанбе, 19.04.2016 /АМИТ «Ховар/. Даври шаҳрии фестивали «Либосҳои миллӣ» дар шаҳри Конибодом доир шуд.
Озмун дар литсейи касбии саноати кишоварзии шаҳр баргузор гардида, тарроҳони беҳтарин маҳсули меҳнати худро нишон доданд. Шартҳои озмун аз рӯи намоиши 5 намуди либосҳои миллӣ- беҳтарин либоси кӯдакона, беҳтарин либоси рӯзмарра, беҳтарин либоси расмӣ, беҳтарин либоси идона ва беҳтарин либоси қадимии миллӣ иборат буд, ки дар он 8 нафар тарроҳ аз ҳудуди шаҳр ва ҷамоатҳои деҳот ширкат варзиданд.
Тавре аз Хадамоти матбуоти раиси вилояти Суғд ба АМИТ «Ховар» хабар доданд, тарроҳи ҷавон Дилафрӯз Акбарова (аз ҷамоати деҳоти Пӯлодон) ғолиби фестивал — озмун дониста шуд. Ҷои дуюм насиби Дилором Собирова (аз ҷамоати деҳоти Пӯлодон) гардида, мавқеи сеюмро Муқаддас Мардонова (аз ҳудуди шаҳр) ишғол намуд.
Сардори Раёсати кор бо занон ва оилаи вилоят Нодира Мирзозода диплом ва туҳфаҳои хотиравиро ба ғолибон ва иштирокдорони фаъол супорид.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
