«Корвони Ваҳдат» аз Хатлон ба Бадахшон меравад

Қурғонтеппа, 11.04.2016 /АМИТ «Ховар/. Дар доираи ҷашнгирии Рӯзи Ваҳдати миллӣ гурӯҳи ҳунармандон, адибон ва ҷавонони Хатлон ба Бадахшон сафар мекунанд.
Тавре ки аз шуъбаи иттилоотӣ- таҳлилии мақомоти иҷроияи ҳокимияти давлатии вилояти Хатлон иттилоъ доданд, «Корвони Ваҳдат»-и Хатлон дар Бадахшон рӯзҳои 27-30 майи соли равон бо барномаҳои гуногуни фарҳангӣ бо иштироки ҳунармандони касбии шаҳру навоҳии Хатлон ва театрҳои касбии Кӯлобу Қурғонтеппа ҳунарнамоӣ мекунад.
Ҳамзамон барнома ва вохӯрихо таҳти унвони «Шоми дӯстӣ» ва «Шоми ҷавонӣ» дар ноҳияҳои гуногун баргузор мегарданд.
Кишоварзон дар навбати худ маҳсулоти худро ба сокинони Бадахшон пешкаш мекунанд.