Кумитаи ҳолатҳои фавқулода: Бар зидди истифодаи силоҳи ядроӣ чӣ гуна бояд мубориза бурд?

Душанбе, 6.04.2016 / АМИТ «Ховар»/. «Аввалин амалиётҳои ҷавобӣ бар зидди истифодаи силоҳи кимиёвӣ, биологӣ, радиологӣ ва ядроӣ»- таҳти чунин унвон дар заминаи Маркази таълимию методии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон курси омўзишӣ гузаронида шуд.
Бино ба иттилои Хадамоти матбуоти Кумита, курси мазкур тибқи барномаи кўмак дар мубориза бар зидди терроризми Сафорати ИМА дар шаҳри Душанбе ва бо ибтикори Вазорати корҳои хориҷии Ҷумҳурии Тоҷикистон амалӣ гардид. Пас аз анҷоми омӯзиши дуҳафтаина мутахассисони кумита соҳиби сертификати байналхалқӣ шуданд.
Дар назар аст, ки аз ҷониби барномаи мазкур ба Кумита барои боз ҳам мустаҳкам намудани базаи моддию техникӣ як қатор таҷҳизотҳои техникӣ супорида мешавад.