Лоиҳаи нави Бонки ҷаҳонӣ ба тасвиб расид
Душанбе, 5.04.2016. /АМИТ «Ховар»/. Имрӯз Шӯрои директорони иҷроияи Бонки ҷаҳонӣ маблағгузориро дар ҳаҷми 10 миллион доллари ИМА аз ҳисоби Ассотсиатсияи байналмилалии рушд барои Лоиҳаи бақайдгирии амволи ғайриманқул дар Тоҷикистон ба тасвиб расонид.
Лоиҳаи мазкур ҷорӣ намудани низоми ягонаи бақайдгирии амволи ғайриманқулро ҷиҳати беҳсозии кафолати ҳуқуқҳои заминдорӣ ва мусоидат ба рушди бозори амвол дар Тоҷикистон дастгирӣ мекунад.
Дар давоми зиёда аз даҳ сол Бонки ҷаҳонӣ ислоҳоти заминро дар Тоҷикистон тавассути пешниҳоди шаҳодатномаҳои истифодабарии замин барои хоҷагиҳои хонагӣ дастгирӣ менамояд,- зикр намуд намояндаи доимии Бонки ҷаҳонӣ дар Тоҷикистон Патрисия Виверз Картер.
Лоиҳаи нав низоми боэътимод, шаффоф ва самараноки бақайдгирии заминро барпо намуда, барои ҳифзи ҳуқуқи амвол мусоидат мекунад, ки худ иқдоми муҳим дар самти рушди бозори замонавии амвол дар Ҷумҳурии Тоҷикистон маҳсуб меёбад. Дар доираи ин лоиҳа бахшҳои рушди низоми бақайдгирии амволи ғайриманқул дар саросари кишвар бо истифодаи расмиёти самаранок, низом ва захираҳои инсонӣ, таҳияи қарор ҷиҳати ташкилдиҳӣ ва ба шакли рақамӣ даровардани ҳуҷҷату маълумоти дар низоми давлатӣ дастрасбуда ва ташкили системаҳо маблағгузорӣ мегарданд.
Таҳкимдиҳии хизматрасонии бақайдгирӣ ҷиҳати кам кардани хароҷот ва баланд бардоштани самаранокӣ низ ба рушди бозори амвол мусоидат мекунад, зеро дар сурати бақайдгирӣ амнияти бештари муомилот таъмин мегардад, теъдоди бештари шаҳрвандон ва субъектҳои фаъолияти соҳибкорӣ барои хариду фурӯш майл хоҳанд намуд.
Корхонаи воҳиди давлатии Бақайдгирии амволи ғайриманқул лоиҳаро дар ҳамкорӣ бо Кумитаи давлатии идораи замин ва геодезии Ҷумҳурии Тоҷикистон аз моҳи июни соли 2016 то октябри соли 2020 татбиқ хоҳад намуд. Сандуқи фаъоли Бонки ҷаҳонӣ дар Тоҷикистон аз 24 лоиҳа иборат аст, ки маблағи умумии онҳо 405 миллион доллари ИМА-ро ташкил медиҳад.
Лоиҳаҳои мазкур ба дастгирии афзоиши иқтисодӣ аз ҳисоби рушди бахши хусусӣ дар баробари сармоягузорӣ ба беҳтар намудани хизматрасониҳои ҷамъиятӣ ба аҳолӣ, аз ҷумла дар соҳаҳои маориф, тандурустӣ, хизматрасониҳои коммуналӣ ва ҳифзи иҷтимоӣ равона шудаанд.
Дар Тоҷикистон боғи зардолу чанд гектарро ташкил медиҳад?
Дар Агентии назорати давлатии молиявӣ ва мубориза бо коррупсия Рӯзи Ваҳдати миллиро ботантана ҷашн гирифтанд
Пагоҳ дар Душанбе ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Дар Бизнес-форуми Бонки Авруосиёии рушд афзалиятҳои сармоягузории Тоҷикистон муаррифӣ карда шуд
Вилояти Хатлон дар шаҳри Алмаатои Қазоқистон намоиш-фурӯши маҳсулоти кишоварзӣ ва ҳунарҳои мардумӣ баргузор менамояд
Дар Намоишгоҳи байналмилалии ЭКСПО-и «Чин — Авруосиё» гӯшаи Тоҷикистон ташкил карда шуд
Дар «Саноатсодиротбонк» Рӯзи Ваҳдати миллиро таҷлил намуданд
Дар Агентии авиатсияи гражданӣ бахшида ба Рӯзи Ваҳдати миллӣ ҳамоиши идона баргузор гардид
Ба ифтихори Рӯзи Ваҳдати миллӣ дар Кумитаи ҳифзи муҳити зист ҳамоиши тантанавӣ баргузор шуд
Дар Вена оид ба таъсиси низоми «Равзанаи ягона» барои минтақаҳои озоди иқтисодии Тоҷикистон санади грантӣ ба имзо расид
Дар Фурудгоҳи байналмилалии Душанбе кӯшиши ворид намудани рақами қалбакии давлатии воситаи нақлиёт ошкор гардид
Намояндагони Хадамоти обуҳавошиносии Корея бо фаъолияти Агентии обуҳавошиносии Тоҷикистон шинос шуданд
